Geguritan

Geguritan

iku puisi jawa gagrag anyar kang ora kaiket dening paugeran tinamtu. Cacahe larik, cacahe wanda, cacahe pada, tembung-tembung kang dipilih, lan surasane kabeh merdika utawa bebas. Gumantung net atine kang ngurit. Ana kang nganggo lelewane basa (gaya bahasa) tinamtu, uga ana kanb biasa-biasa wae.

A. Maca lan nanggepi isine teks geguritan sarta niteni perangan-perangane     Supaya bisa nemokake isine geguritan bisa dilakoni kanthi cara ngisor iki.
  • Maca kanthi premati, yen perlu dibolan-baleni.
  • Nggatekake ubungane larik siji lan sijine, banjir menehi tanda ngaso(/) utawa sigeg(//).
  • Golekana tegese tembung-tembung kang angel utawa aneh. Bisa tegese lugu, entar, utawa lambang.
  • Golekana pesen utawa amanat kang dikarepake dening panggurite.
  • Tambahana tembung utawa wanda saengga ukarane bisa cetha lan bisa ditemokake karepe.
    Menawa cara-cara kasebut sampun dilakoni, mesthi bisa kotemokake isine geguritan.

Tuladhane : 


Apa Bedane

Dening Sudi Yatmono

apa bedane prosa karo puisi
bedane ana ati
apa bedane ati karo gori
bedane mung prakara bumbune
bedane apa bumbune karo seng dibumboni
bedane rak mung ana ing wadhah
apa bedane wadhah karo sing diwadhahi
kuwi rak mung akal pokal gaweane manungsa
lha apa bedane manungsa karo kewan
ah iku urusane Pangeran

B. Nemokake tuntunan kang dikandhut ing teks geguritan    Geguritan iku umume digawe dening panggurite kanggo nuduhake rasa marang kahanan. Ana kanh nggambarake rasa bungah, rasa sedih, nggrantes, utawa malah nggambarake rasa serik kang kepati-pati marang kahanan.

C. Nulis geguritan nggunakake ragam basa kang jumbuh utawa cocog karo konteks lan pranatan utawa aturan 

  • Ora kaiket dening aturan utawa pranatan guru gatra, guru wilangan, guru lagu, lan sapanunggale 
  • Ngutamakake isi kang mentes, apik, endah, lan becik 
  • Bisa nggunakake lelewane basa (purwakanthi, baliswara, saroja, entar, lan sapanunggale).
  • Isine bisa pitutur, piweling, kritik, protes, nyindhir, nggresah, pamundhut, lan sapanunggale  
Sumber : Gegaran Nyinau Basa Jawa 3 kelas XII SMA/SMK/MA 

Komentar

Posting Komentar

Postingan populer dari blog ini

Cerita Rakyat

A. Crita Rakyat                Crita Rakyat yaiku kang diceritake kanthi turun-temurun utawa kang wis dadi tradhisi ing masyarakat. Crita Rakyat kasebut kacritakake ing maneka werna kahanan, ana ing sajroning kumpulan, utawa pinangka crita pamancing impen, lan sapiturute . Tumraping bocah-bocah, crita rakyat uga bisa migunani pinangka pendhidhikan budi pekerti, amarga budi pekerti luhur tumrap bocah-bocah. Crita Rakyat duwe unsur-unsur pambangun, kayata tema, tokoh utawa penokohan, latar (setting), alur (plot), sudhut pandhang, lan amanat.     Tema yaiku pokok permasalahan ing sajroning crita. Saben crita rakyat duwe tema kang gumanthok supaya gampang diwaca. Latar (setting) yaiku papan panggonan, wektu, lan suwasana kadadeyan ing sajroning crita. Penokohan yaiku paraga kang nduweni watak ing sajroning crita. Alur yaiku urut-urutane prastawa ing crita. Sudhut pandhang yaiku cara pandhang panganggit tu...
Baca selengkapnya

Nguri-uri Tradhisi Budaya Jawa

Gambar
Nguri-uri Tradhisi Budaya Jawa Grebeg Besar  iku acara tradhisi ing kutha Demak kang dianakake saben wulan Dzulhijjah. Acara iki digelar kanggo mapag bakda Besar utawa wulan haji. Acara kang direkadaya kanggo ngramekake sasi Besar iki, pol-polane tumiba ing tanggal 10 Dzulhijjah. Bab mengkono iku pancen wis dadi ciri wanci mungguhe kutha Demak lan tetep arep dilestarekake kanggo nguri-uri budaya tinggalane para luhur. Tradhisi Grebeg Besar iki tinggalane Sultan Fattah lan Sunan Kalijaga. Wali loro iku pancen wis cinathet ing sejarah minangka wali kang nyebarake agama Islam kanthi nggunakake adat lan tradhisi kang wis ana ing tlatah Demak. A.   Maca lan nanggapi teks eksposisi ngenani budaya jawa Teks eksposisi  iku teks kang isine panemu utawa usul ngenani samubarang. Jaman saiki, teks eksposisi uga diarani teks argumentasi sesisih. Diarani mengkono jalaran pangrakite teks eksposisi didhasari karep ngukuhi panemu utawa usule kanthi pawadane/alesan...
Baca selengkapnya